Klima.lu - Eng Initiativ vum Réidener Kanton fir de Klimapakt

Kulinaresche Vëlostour am Réidener Kanton - 25. Juni 2017

Aer Umellung ass réischt définitif wann Dir di 25€ op eise Konto iwwerwisen hutt:

IBAN: LU36 0090 0000 0812 9603

Titulaire du Compte: Réidener EnergiAtelier Asbl

Banque: Raiffeisen

Vermierk: Kulinaresche Vëlostour (Numm)

Grouss Bedeelegung bei eiser Solar-Info-Versammlung am Préizerdaul

Eng 65 Awunner aus eisem Kanton sinn de 29. Mäerz op eiser Info-Versammlung iwwer di verschidde Notzungsméiglechkeeten a Bäihëllefen am Beräich vun der Solar-Energie op de neiste Stand bruecht ginn. Des Veranstaltung ass vum EnergieAtelier, Klimapakt vum Réidener Kanton an Energiepark zesummen organiséiert ginn.

Wann Dir Froen hutt zu dësem Thema, rufft eis un! Tel. 26 62 08 01

2015 si 44% vum gesamte Stroumverbrauch an eisem Kanton um Territoire vun eisem Kanton mat erneierbaren Energien produzéiert ginn. De Kanton huet sech als Ziel gesat bis 2020 een Undeel vun mindestens 50% z’erreechen, dat heescht, dass d'Hallschent vum Stroum, dee mir am Kanton verbrauchen, am Kanton mat erneierbaren Energien produzéiert soll ginn.

Flotte Film-Owend am Atert Lycée!

D’Biekerecher Millen, CELL, den EnergieAtelier an de Klimapakt hunn den 10. Mäerz op de Film-Owend “DEMAIN” an den Atert-Lycée invitéiert.

Dëse Film weist Léisungen op di aktuell ekologesch, ekonomesch a sozial Krisen an eiser Welt. Am Film hu mir vill innovativ Mënschen an Initiative kenne geléiert, déi an de Beräicher Energie, Economie, Ernährung, Educatioun an Demokratie hire Beitrag leeschte fir eng méi nohalteg, gerecht, gesond a glécklech Welt.

Nom Film, dee richteg begeeschtert a matgerappt huet, sinn dem Public eis lokal „Helden“ an hier Initiative virgestallt ginn. Beim uschléissende Patt & Fingerfood sinn di vill Andréck diskutéiert an ausgetosch ginn.

Eng léierräich Stonn um Bio-Haff vum Charly zu Osper

De Samschden 1. Abrëll huet de Charles Goedert vun Osper eis d'Diren vu sengem Bio-Haff opgemat.

De Charles huet nieft Schwäin och Angus-Kei a mecht nach Mariendistel-a Leindotter-Ueleg. Di 22 Visiteuren kruten d'Ställ am Detail vum Charles gewisen mat villen Erklärungen iwwer d'Bio-Landwiertschaft.

No dës ganz interessanter Visite, goufe mir mat engem erfreschendem Gedrénks a Kuch verwinnt. Mir soen dem Charel a sengem Team ee ganz grousse MERCI!!

Nei Témoignagen vu Klimaschützer aus der Useldenger Gemeng

Liest di nei Interviewen mat eise Klimaschützer aus der Gemeng Useldeng hei!

Wéi vill Schrëtt maacht Dir am Dag ?

De Mënsch geet zënter 4 Millioune Joren: de Neandertaler ass am Duerchschnëtt ee Marathon am laf vun engem Dag gaang fir genuch Iessen zesummen ze kréien, haut läit den deeglechen Duerchschnëtt bei ronn 1000 Schrëtt, also ronn 650 Meter.

Dass mir ëmmer manner ginn, do sinn ënner anerem eis Büro-Aarbechtsplazen, eis héich Notzung vum motoriséierte Verkéier sou wéi TV & Computer Schold. Beweegungsmangel ass nach virum Fëmmen an der schlechter Ernährung di heefegst Ursaach fir Krankheeten.

Den Alterungs-Wëssenschaftler Dr. Irwin Rosenberg huet bewisen, dass just regelméisseg kierperlech Aktivitéit de biologeschen Alterungsprozess kann ophalen.

Dowéinst recommandéiere vill Sports-Medeziner an och d’Weltgesondheetsorganisatioun (WHO), fir all Dag mindestens 10.000 Schrëtt ze goen. Dat Flott ass, dass een dëst ganz liicht kann an den Alldag integréieren.

Wéi kommen ech all Dag op meng 10.000 Schrëtt?

10.000 Schrëtt entsprieche jee no Schrëtt-Gréisst enger Stréck zwësche 5 an 8 Kilometer. Den Dag bitt och am Büro vill Beweegungsméiglechkeeten un:

Den Auto zumindest op kuerze Strécke stoe loossen
Eng oder zwou Bus-Haltestellen éischter erausklammen an dat lescht Stéck ze Fouss goen
Mat de Kanner an d’Schoul oder op d’Bus-Haltestell goen, am Plaz se ze féieren
Rulltrap a Lift vermeiden, léiwer d’Trap benotzen
An der Mëttesstonn een Tour em de Quartier dréinen
Um Büro mindestens all Stonn eng Kéier opstoen an sech e bësse beweegen
D’/Den Aarbechtskolleg/in net uruffen, mee perséinlech bei si/hie goen
Eng Owes-Promenade duerch d’Duerf maachen
De Weekend eis schéint Land ze fouss entdecken. Och am Wanter! Et gëtt kee schlecht Wieder, nëmme falsch Kleedung ;-)

Fir ze checken, ob een effektiv seng 10.000 Schrëtt erreecht huet, kann ee sech ee Schrëtt-Zieler kafen.

Firwat soll een all Dag 10.000 Schrëtt maachen?

Verhënnert Krankheete wéi Häerz-Kreeslaferkrankungen, Récke-Problemer, Diabetes, Kriibs, Arthrose, Osteoporos an Depressiounen
De “schlechte” Cholesterol (LDL) geet erof an de “gudde” Cholesterol (HDL) geet erop
De Bluttdrock geet erof
Et beugt Iwwergewiicht vir an hëlleft beim ofhuelen
Et erhéicht d’Wuelbefannen a baut Stress of
Et schléift ee besser
Et spuert ee Sue, well ee manner Auto fiert
Et entlaascht eis Gesellschaft, well et manner Kranker ginn

Et mécht een eppes fir d ‘Ëmwelt, well manner Ressource verbraucht ginn a manner Emissiounen entstinn

Der erster Kanton mit Modal Split!

Der Kanton Redingen ist der erste Kanton, welcher sein Modal Split berechnet hat. Der Modal Split ist die Verteilung des Personenverkehrs auf die verschiedenen Verkehrsträger.

Gut zwei Drittel (68%) aller Wege unserer Einwohner werden mit dem Auto oder Motorrad zurückgelegt. Wegen der hohen Busnutzung beim Schülertransport liegt der Anteil des öffentlichen Verkehrs im Kanton Redingen bei 18%, was verglichen mit dem nationalen Modal Split sehr gut ist. Der Anteil der sanften Mobilität (Fahrrad, zu Fuss) am Gesamtverkehrsaufkommen ist mit 14% nicht sehr hoch im Kanton. Das nationale Ziel liegt hier bei 25%. Mit unserem aktuellen Mobilitätskonzept hoffen wir der nationalen Zielsetzung näher zu kommen.