Eis Initiativen

Hei kréie Professioneller, Gemengen a Bierger Rot an Äntwert op hir Froe ronderëm d’Energietransitioun an aktive Klimaschutz. D’Klima-Agence bitt Léisungen un, fir nohalteg Mobilitéit, Renovéierungen an nei Bauprojeten, fir d’Installatioune vun Heizungs- a Fotovoltaikanlagen – alles wat dozou féiert, den Energieverbrauch am Alldag ze reduzéieren a méi effizient ze verbrauchen.

Duerch d’EU-Reglementatioun ass all Memberstaat verflicht, geméiss sengen nationale Virschrëften, en Dialog iwwer klima- an energiepolitesch Froen op méi Niveauen anzeriichten.

An dësem Dialog sollen sech sech verschidden Acteure wéi Gemengen, NGOen, d’Wirtschaft, Investeren an och aner bedeitend Interessenträger esou wéi d’Allgemengheet abrénge kënnen.

D’Klimaplattform soll en Austausch vun de bekannten Acteuren etabléieren a sech dowéinst aus follgende Vertrieder zesummesetzen:

Am Géigenzuch kréien d’Gemengen Accès op Ënnerstëtzung duerch Klimaberoder esou wéi op finanziell Ënnerstëtzung, gestaffelt a Funktioun vum erreechten Zertifikatiounsniveau. De Klimapakt mat de Gemengen ass e wichtegt Instrument fir d'Ziler vum Plan national intégré en matière d’énergie et de climat (PNEC) ëmzesetzen.

Dee setzt sech aktuell aus 7 Memberen zesummen, vun deene jidderee Wëssenschaftler ass. Déi si fir 5 Joer beruff a kënnen dann op en Neits benannt ginn. Hir Aufgab ass et, d’Regierung am Bezuch op Projeten ze beroden, déi sech op d’Klimapolitik auswierke kënnen.

Dee wëssenschaftlechen Observatoire kann sech aus 7 Memberen zesummesetzen, déi awer all Fachkenntnesser am Beräich Klimaschutz mussen hunn. Se gi vum Regierungsrot ernannt a sollen net nëmmen déi méiglech Auswierkunge vu Projeten am Bléck hunn, mee och geplangten esou wéi schonn duerchgefouert Moossnamen op hier Wierksamkeet hin analyséieren a vu sech aus och gëeegent Moossname virschloen.

Zudeem sollen si Fuerschungsaarbechten a Studien an alle klimarelevante Beräicher virschloen a verfaasse a järlech e Bericht iwwert d’Ëmsetze vun der lëtzebuergescher Klimapolitik verfaassen. Zudeem kënnen si och vu sech aus eng Stellungnam ofginn. Den éischte Joresbericht gouf, am Kader vun der KlimaExpo, de 7. Oktober 2022 virgestallt.

D’Membere vum Observatoire hunn en Urecht op Entschiedegung fir hir Aarbecht, déi aus der Staatskeess bezuelt ginn.

Méi Informatiounen op www.opc-luxembourg.lu.

Déi aktuell Membere sinn :

All eenzele Bäitrag, fir d’Zäregasemissiounen erofzekréien, zielt. D’Moossnamen, déi vun de Bierger kommen, zielen och a sinn e wichtege Bäitrag, fir zesummen d’Zil z’erreechen.

D’Zil ass et, déi am PNEC festgeluechte Moossnamen z’iwwerdenken, awer och fir nei Léisungsusätz ze proposéieren.

Fir de Klima-Biergerrot (KBR) konnt jiddereen sech bewerben, deen zu Lëtzebuerg lieft oder schafft. Déi 100 gewielte Memberen, duerch en onofhängegt Institut erausgesicht, goufen esou gewielt, datt de KBR sou gutt wéi méiglech mat alle gesellschaftlechen Zesummesetzungen an Hisiicht op Geschlecht, Nationalitéit, Alter, Wunnsëtz, Beruffssecteur a Bildungsniveau, representéiert war. D’Aarbecht vum KBR war zäitlech begrenzt. Déi 60 aktiv Memberen (40 Ersatzmemberen) hunn sech getraff, fir bei Informatiounsveranstaltungen,

Ausflich, Diskussiounen oder Workshops ze beroden, ob et weider Moossname fir de Klimaschutz brauch a wa jo, wéi eng.

Um Enn vun de 6 Méint sollten d’Membere vum KBR méiglech Virschléi fir Moossnamen ausschaffen. D’Viraussetzung fir d’Virschléi war, datt et Moossname waren, déi viruféieren, an datt se op dem PNEC baséieren an doriwwer erausginn. Op déi Manéier konnten aus der Mëtt vun der Gesellschaft eraus nei Iddien an Impulser am Kampf géint de Klimawandel entstoen. D’Virschléi vun de Moossname goufen am Hierscht 2022 dem Parlament presentéiert, wat driwwer beréit, ob d’Iddien ugeholl ginn an an deem Fall 2023 an d’Aktualiséierung vum PNEC afléissen. Begleet gouf de KBR vum onofhängege Berodungscomité, wat deen sech aus verschidde Persoune mat Erfarungen a Wëssen am Beräich Biergerbedeelegung zesummesetzt.

Virun de ville klimateschen a gesellschaftlechen Erausfuerderungen, hat déi international urban-architektonesch a landschaftlech Consultatioun Luxembourg in Transition d‘Zil, strategesch Planungsvirschléi z’entwéckelen an ënnerschiddlech Szenarie fir eng ökologesch/kuelestofffräi Transitioun bis 2050 fir Lëtzebuerg an d‘Grenzregioun auszeschaffen. Experten aus de verschiddenste Disziplinnen an Hannergrënn, Acteuren um Terrain esou wéi och vun engagéiert Bierger, hu sech ëm dëse Zukunftsprojet gebündelt an am Kader vun der Consultatioun eng Rei vun innovative Strategien a couragéis Konzepter virgeluecht fir Lëtzebuerg op de Wee vun senger territorialer Transitioun ze bréngen. Dëse Magazin soll en Iwwerbléck iwwer dës Virschléi ginn. Andeems hei individuell a kollektiv Léisunge virgstallt ginn, ka Luxembourg in Transition fir jidderee vun eis als Inspiratiounsquell déngen.

Kuckt och hei d'Brochure.