Lëtzebuerg huet an de leschte Joren e puer Strategien a Pläng entwéckelt, fir d'Liewen am Groussherzogtum klimafrëndlech ze gestalten. De PNEC, d'Klimagesetz, d'Klimaadaptatiouns-Strategie, d'laangfristeg Klimastrategie a nach vill anerer gi Mesurë vir, mat deenen d'Zil vun der CO2 Neutralitéit bis 2050 erreecht gi soll. D'Pläng, d'Gesetzer an d'Strategien ëmfaassen all d'Liewens- an Aarbechtsberäicher, wéi d'Wunnen, d'Mobilitéit, de Konsum, d'Energie, d'Landwirtschaft, asw.
Politiker:innen, Fachleit a Bierger:innen hunn zu dëse Strategien a Pläng bäigedroen, an zesumme schaffe mir weider drun, Lëtzebuerg bis 2050 CO2 neutral a resilient ze maachen. E puer Visioune si scho verwierklecht ginn, anerer sinn nach a Planung. D'Illustratioune weisen ausgewielte Mesuren, déi an de Pläng, Strategien a Gesetzer ze fanne sinn.
Den Ausbau vum ëffentlechen Transport mat E-Buslinnen an Tram, enger Hellewull u Vëlosweeër an E-Bikes vun allen Zorten huet dozou gefouert, dass den individuellen Autosverkéier praktesch ganz aus der Bunn geheit ginn ass. Wou fréier d'Parkplazen dominéiert haten, konnte Parken a Gäert entstoen. D'Haaptachsen an de Stied a Boulevarden, déi soss no Stau gejaut haten, sinn elo fest am Grëff vu Foussgänger:innen, Vëlos- a Scooterfuerer:innen. Virfaart op de Schnellstroossen hunn ewell nëmmen nach vollbesaten a klimafrëndlech Gefierer. E weidere positiven Effekt erliewen d'Wëldbrécken, déi elo nach besser an d'Bild passen a verstäerkt dozou erbäigefouert hunn, dass d'Aarten sech nees besser verbreede konnten.
Back to the roots: am Joer 2050 ass d'Landschaft e Mosaik aus ënnerschiddlechen Notzungen. Riseg Ställ fir Fleesch- a Mëllechproduktioun a kilometerlang Maisfelder hu Plaz gemaach fir nees méi kleng Strukturen. Vu mono op multi: d'Fläche gi multifunktional genotzt, zum Beispill duerch den Ubau vun Uebst ënnert de Photovoltaik-Anlagen. Esouguer déi heemesch Hecken si matagebonnen a liwwere Liewensmëttel fir Mënsch an Déier. E normaalt Bild sinn och déi vill Gemeinschaftsgäert um Buedem an op den Diecher an de Ballungsgebidder, fir dech och an de Stied mat Liewensmëttel versuergen ze kënnen.
Am Joer 2050 sicht een ëmsoss no engem Stadbild, wat vu grousse Chaînë gepräägt ass. D'Konsumverhalen huet sech verännert: al Objeten hunn nees e Wäert. Second Hand steet uewen op der Akafslëscht, et gëtt an ëffentleche Regaler all méiglech Saache getosch a futtis Geräter gi selbstverständlech flécke gelooss. Autoe gi scho laang net méi kaaft mee gedeelt. Et besteet nees e Bewosstsinn fir d'Bedeitung vu Landwirtschaft an Natur: de reegelméissege Passage am Buttek vum Bauerenhaff fir Liewensmëttel aus lokaler Produktioun ze kafen, ass selbstverständlech.
Den Ausbau vum ëffentlechen Transportnetz, mat senge elektresche Bussen an Tramen, ville Vëlosweeër an enger breeder Palette vun elektresche Vëloen, huet d'individuell Autonotzung praktesch eliminéiert. Do wou fréier Parkplazen dominéiert hunn, bléien elo Parken a Gäert. Déi Haaptstroossen a Boulevarden, déi fréier vum Verkéier iwwerfëllt waren, gehéieren elo Foussgänger, Vëlosfuerer a Scooter. Prioritéit op Autobunnen ass elo fir Persouneween a net-verschmotzungsfäeg Gefierer reservéiert. En anere positiven Effekt: D'Iwwergäng vun der Déierewelt vermëschen sech nach besser an d'Landschaft a droen zu engem bessere Schutz vun den Aarte bäi.
Luet dden 2050 Vision Poster erof
